《荒失失奇兵》返嚟喇！今年暑假，獅子阿力、斑馬馬提、河馬歌莉亞和長頸鹿邁文，又再展開刺激大冒險！幕後十億勁爆票房原班人繼續合作；粵語配音版「聲」光熠熠，請來破天荒為電影配音的DO姐鄭裕玲首度開腔撐場，仲有鄭中基同Donald繼續鬼馬搭咀，肯定觀眾笑到唔停得口！

話說第一集由紐約中央公園動物園走失，流落到馬達加斯加；第二集喺馬達加斯加信錯企鵝上錯機，搞到緊急空降非洲大草原；今次成班動物追蹤企鵝去到歐洲，想叫企鵝帶路返屋企！但為咗逃避惡女杜娃嘅追捕，係自認最叻做騷嘅獅子阿力帶領下，決定搵馬戲團做掩護。平時喺動物園食慣歎慣嘅佢哋，要霎時做出馬戲明星嘅高難度動作又得唔得？今年暑假，《荒失失奇兵3：歐洲逐隻捉》(Madagascar 3: Europe's Most Wanted )！