2005年，《拳霸》(Ong Bak)全球勁收逾億港元令Tony Jaa成功上位，搖身變為世界級功夫巨星。2009年，《女拳霸》(Chocolate)捧紅少女新星Jija Yanin。2012年，
《拳霸》、《冬蔭功》(Tom Yum Goong)、《女拳霸》導演柏治也平寇(Prachya Pinkaew)最新動作猛片強勁出招，食住亞洲影圈吹起嘅韓風，今次新作唔玩泰拳，改打「跆拳道」！之前套套硬橋硬馬，危險動作硬食；今次除咗一貫動作行先繼續搵命搏，仲加入大量笑料，一於打住嚟笑！韓國性格演員曹在顯、藝智苑與《女拳霸》Jija Yanin首次合作，笑拳對撼真功夫。

一個打拳多過食飯嘅跆拳道世家：「鐵拳無敵」老豆、「火雲廚神」阿媽、「舞林天王」囝囝、「劈腿女神」囡囡；個個身懷絕技，兼夾義膽忠肝。話說有一日國寶「王者之劍」被國際犯罪集團所盜，呢個跆拳道世家竟然被捲入旋渦，一家四口會使出咩跆拳道絕招砌低班國際罪犯？