《爆機特攻》（Hardcore Henry）由俄羅斯獨立搖滾樂隊Biting Elbows成員伊利亞納舒拿（Ilya Naishuller）製作的熱爆音樂短片《Bad Motherfucker》改編而成，全程鏡頭以第一身視角展現，有如親身在射擊遊戲中做主角，體驗超真實震撼同暴力的官能刺激！音樂短片《Bad Motherfucker》目前Youtube點擊率已超過3千萬，該片在2013年上傳後，反應已極之熱烈，隨即引來不少荷里活監製垂青。三年後，《爆機特攻》由《殺神特工》（Wanted）和《D9異形禁區》（District 9）兩大科幻特技片監製聯手製作，並由伊利亞納舒拿執導兼編劇，成為全球首部第一身視角的長篇動作電影。

本片雖是伊利亞納舒拿的電影處女作，但早前已在多倫多國際影展一鳴驚人，榮獲其中一項觀眾票選獎，創新獨特的呈現手法獲得國際影評一致激讚！演員方面，《叛諜裁判》（The Equalizer）索女希莉賓妮（Haley Bennett）不幸被擄走做人質；主角亨利逃命之際幸得《黑魔后：沉睡魔咒》（Maleficent）沙杜高柏（Sharlto Copley）幫一把，亡命救妻，展開無間斷血戰；而《冰天血地8惡人》（Hateful 8）金像提名英國男星添羅夫（Tim Roth）亦將一齊搞亂全城。

子彈橫飛　炸彈亂爆

最強改造人　上天下海誓破身世之謎

一開眼，你完全失憶，眼前索女雅詩（希莉賓妮 飾）嗌你做亨利，係佢令你起死回生，仲話係你老婆。未望真佢個靚樣，強大僱傭兵集團就殺到埋身，亡命逃走之際，老婆更不幸被擁有異能的紅衣波士擄走。喺一個陌生嘅城市，子彈橫飛，炸彈亂爆，個個都想置你於死地，惟獨是占美（沙杜高柏　飾）似係同道中人。你一身疑惑，只可以拍住占美，憑住勁揪嘅改造軀體上天下海，見一個殺一個，誓要救返老婆，破解身世之謎。